Tuesday, June 16, 2009

شكر وعرفان


شكر وعرفان وتقدير وامتنان
أدين به لكل من اهتم لأمري
ولكل من دعا لي بظهر الغيب
فدعواتكم كانت لي سناءًا في وقت الظلام
وبسمة وقت البكاء
كانت لي نورا وضياء

وأشكر أصدقائي الأربعة لأنهم عرفوني بأناس رائعين بكل معانى الكلمة
وأشكر الألم الذي أسأل الله أن يكون سببا في ثقل ميزان حسناتي (لا تبخلوا بآمين :) )

ولي مع
اثنين وقفة خاصة مع شكري وتقديري للجميع :

1-
عاشقة التوت حبيبة قلبي ستوت
أسأل الله لها أجر عيادة المريض وأثق أنها كانت سببا في زيارة آخرين ودعواتهم
فالكل في ميزانها إن شاء الله

2- صاحبة الدعوات المخلصات المباركات - والمستجابات بإذن الله - الجميلة
أم البنات
أكن لك كل تقدير واحترام
بارك الله لك في ابنتك وأقر عينك بها

لو أستطيع أن أذكر كلا باسمه لفعلت
لكن تضيق الكلمات ولا تكفي أمام ما كان منكم من مودة وإخاء
جزاكم الله خيرا كثيرا

وأهمس في أذن صغيرتي الحبيبة وأقول لها :
زعلانة منك يا شيماء يا سمير :)

7 comments:

ستيته حسب الله الحمش said...

الله عليك
كده تتأخري في انك تطمنيني
والله كنت لسه في عقلي واقول مطمنتنيش عليها ليه يارب
اتاريكي رديتي على ردي بس انا لما دخلت كتير ولقيتك مش بتردي بقيت ادعي لك من غير دخول

يارب ربنا يكرمك بكرم كبير اكبر من تخيلك
ربنا يرينا في شفاءك معجزاته سبحانه

بحبك جدا جدا جدا وعاوزاك دايما تطمنينا ان شا الله بأي كلمة في عقلك
اتفقنا
ممممممممممممممممممممممممممممممؤ

أم مالك said...

الاخت الحبيبة
اول مرور لى عندك وقد لفت نظرى العنوان
عند ستيتة الحبيبة
سامحينى ياختى لااعرف الموضوع بالضبط
ولكن يبدو انك مريضة
اسال الله العظيم رب العرش العظيم ان يشفيكى
لن يفتر لسانى عن الدعاء لكى
وسامحينى على الدخول المتاخر عندك
واطمئن عليكى دائما بالف خير
وتقبلى مرورى

حبيبه سى السيد said...

ربنا يسامحنى واضح انى ظلمتك

لما غبتى اوى فكرت انك مش عايزة تكلمينى تانى


فقلت عاااااا دى حرية شخصية


لكن واضح ان كان فى ظروف

والحمد لله انك بخير دلوقتى

يــوم جــديد said...

ست الستات ستيتة
والله أنا اللي بحبك جدا جدا جدا جدا جدا
ربنا يحبك ويرضى عنك
وبوسة جميلة كمان
لا لا لا هتعود على كده يا دكتورة
ربنا يتقبل منك ويستجيب دعائك ودعائي بظهر الغيب

يــوم جــديد said...

أم مالك
أول زيارة لك نورت المدونة وشرفتها
وشرفت أكثر بكلماتك الرائعة المخلصة
أسأل الله أن بعطيك خير ما تمنيت
آمين

يــوم جــديد said...

حبيبة
(إن بعض الظن إثم) دا كلام برضه يا قمرة
عموما فرحة رجوعك تخليني مقدرش أقول غير الحمد لله على السلامة
وحشتيني جدا وفرحت برجوعك فوق ما تتخيلي

ألف مبروك
خلاص صدرت الموافقة من هيئة أركان حرب :)

shaimaa samir said...

يا قلبىىىىىىىى
وكسوفىىىىىى

والله والله

مقصرة
بشكل فظيييييييييييييييع

سامحينى
والله لسه راجعة من الكليةحالا
ومن الصبح

مشروع التخرج

سامحينى
وقبله الامتحانات

سامحينى

احبك فى الله



شيماءسمير

لقطات

يقولون : ثلاثة لا تعود : زمن يمضي، وسهم يرمى، وكلمة تقال ولعل تلك الأخيرة من أكثر ما يؤثر فيَّ ليس فقط لأنها لا تعود لكن أيضًا لأنها تبقى ...