Monday, May 31, 2010

ليه يا غزة ؟؟؟


ليه كده بس يا غزة ؟ تعملي نفسك كده متحاصره 
بقى دا اسمه كلام ؟!!
ونمد مساعدات ونقول شعارات 
ونصرخ بأعلى الصوت :الحصار لازم يتفك 
وتطلعي في الآخر مش متحاصرة 
واللي ياعيني متحاصرة بجد 
تضطر تقاوم وتدافع 
وتقول أنا آسفة 
مقدرتش أسكت وأنا شايفة إرهاب وحماس 
كده برضه يا غزة ؟!!
هي إسرائيل دي مش دولة شقيقة وعشرة عمر 
وانتي يا تركيا كده برضه عبيطة 
يتقالك غزة في حصار تبعتي اسطول 
لأ وجريئة تسميه الحرية 
مش عارفة إن دي كلمة ولا مؤاخذة مش مظبوطة وبتجيب الضغط 
كده برضه يا غزة ؟؟
بقى دا اسمه كلام !!
معلش يا إس إس مافيناش من قمص 
خلاص عارفين إنك مضطرة 
واعتبري اللي اتقتلوا هدية صلح 
ودي آخر مرة
معدناش هنعيد الكرة 
وانتي خلاص اتعودتي 
كام سبة وشتمة ووراهم كام ألف مظاهرة 
طب ايه يعني ؟؟ 
دا كلام مدهون 
وشوية وينسوا وينشغلوا ومحدش هيقوم م النوم
هو احنا يا مظلومة يا ضعيفة لينا كام واحدة اسمها صهيون
كده برضه يا غزة ؟!!
عاملة نفسك مش عارفة 
مش عارفة إننا خف الريشة !
مش عارفة إننا من غير وزن ؟
من غير قوة ولا سلاح ردع ؟
مش عارفة إننا أصحاب وحبايب وأكتر من الاخوات الشققا ؟؟
كده برضه يا غزة؟ 
بقى دا اسمه كلام!

Wednesday, May 26, 2010

عروستي الحلوة


فاتتني أحداث كثيرة في فترة غيابي 
سأبدأ في التعويض عنها 
الواحدة تلو الأخرى 

أحلى الأحداث وأكثرها تأثيرا كان 
زواج بنوتتي الجميلة 
رقيقة الكلمات 
صاحبة الاحتمال الموجود دوما في كل محتمل :) 
شيماء سمير 

منذ عرفتها وهي مخطوبة 
فلم يكن الاحتمال بعيدا أبدا 
بل كان واردا وبشدة 
لكنها عندما جاءتني بخبر الزواج 
لم أصدق 
بقيت فترة غير مصدقة 
ابنتي الصغيرة ستصبح زوجة
طفلتي الحبيبة خاطت ثوبها بالبراءة 
وطرزته بالفرحة والبهجة 
وأمسكت بين يديها باقة من زهور المحبة 

ترقرقت في عيني دموع لا أعرف لها سببا 
لعلها دموع من شدة الفرحة 
ولعلها دموع المفاجأة ... :) 
جديدة دموع المفاجأة تلك 

تأخرت يا شيماء 
أعلم 
لكنك أيضا تعلمين 
بارك الله لكما وبارك عليكما وجمع بينكما في خير 

الأغنية إهداء لأكثر العرائس طفولة 
والموضوع ينقصه الصورة التي وعدت هي بإرسالها
في انتظار الوفاء بالوعد 
نكـــــاحن مباركن D:

Tuesday, May 25, 2010

حتى لا تقلق تيما :)

أنا جيت أسلم نفسي

اسمي مكتوب في الريدر ؟؟؟
:)))