ليه كده بس يا غزة ؟ تعملي نفسك كده متحاصره
بقى دا اسمه كلام ؟!!
ونمد مساعدات ونقول شعارات
ونصرخ بأعلى الصوت :الحصار لازم يتفك
وتطلعي في الآخر مش متحاصرة
واللي ياعيني متحاصرة بجد
وتطلعي في الآخر مش متحاصرة
واللي ياعيني متحاصرة بجد
تضطر تقاوم وتدافع
وتقول أنا آسفة
مقدرتش أسكت وأنا شايفة إرهاب وحماس
كده برضه يا غزة ؟!!
هي إسرائيل دي مش دولة شقيقة وعشرة عمر
وانتي يا تركيا كده برضه عبيطة
يتقالك غزة في حصار تبعتي اسطول
لأ وجريئة تسميه الحرية
مش عارفة إن دي كلمة ولا مؤاخذة مش مظبوطة وبتجيب الضغط
كده برضه يا غزة ؟؟
بقى دا اسمه كلام !!
معلش يا إس إس مافيناش من قمص
خلاص عارفين إنك مضطرة
واعتبري اللي اتقتلوا هدية صلح
ودي آخر مرة
معدناش هنعيد الكرة
وانتي خلاص اتعودتي
كام سبة وشتمة ووراهم كام ألف مظاهرة
طب ايه يعني ؟؟
دا كلام مدهون
وشوية وينسوا وينشغلوا ومحدش هيقوم م النوم
وانتي خلاص اتعودتي
كام سبة وشتمة ووراهم كام ألف مظاهرة
طب ايه يعني ؟؟
دا كلام مدهون
وشوية وينسوا وينشغلوا ومحدش هيقوم م النوم
هو احنا يا مظلومة يا ضعيفة لينا كام واحدة اسمها صهيون
كده برضه يا غزة ؟!!
عاملة نفسك مش عارفة
مش عارفة إننا خف الريشة !
مش عارفة إننا من غير وزن ؟
من غير قوة ولا سلاح ردع ؟
مش عارفة إننا أصحاب وحبايب وأكتر من الاخوات الشققا ؟؟
كده برضه يا غزة؟
بقى دا اسمه كلام!
2 comments:
بيجولك يا ستي فتح ها تبعت وفد لحماس علشان يعملوا صوابيعهم كده ويقولوا صالوحة
بتوع حماس بيقولوا سمعنا كتير واشمعنى النهاردة
عارفة يا غزة انتي والضفة لو ما اصطلحتوش
ولا من غير تهديد
اتصالحوا بالتي هي احسن
ايه المشكلة مش فاهمة لو مسكت فتح او مسكت حماس
يعني هو ابو عمار كان الوطني الكبير
ما كان عميل ومنيل بستين نيلة ومع هذا كان بيعرف يتعامل مع الكل
مع بتوع حماس كان شغال
مع الأنظمة العربية بواس
مع رابين بيمد ايده والتاني ميرضاش يسلم عليه
مع الكل كان لعيب وكان ممشي الملعب
خلاص مشوها ابو مازن ابو مازن
المهم الحصار يتفك واسرائيل بتاعة
حماس
ارهاب
قاعدة
تضرب من غير حجج
ماهي كده كده ها تضرب يا تيران
اخص عليكوا ياعرب
ةعذرا يا غزة
قدرك انك في رباط ليوم الدين
قدركم كده يا اهل فلسطين
تؤ تؤ تؤ
ملهاش حق
المشكلة إننا بنعمل ضجيج كبير واحنا بنموت
ثرثرة فارغة
إيه المشكلة لما نموت واحنا ساكتين وراضيين
Post a Comment