Wednesday, November 4, 2009

:) حصريــًا

كلمة ذابت من كثرة استخدامها
حتى فقدت معناها و ما تحمله من تشويق
لعلي أستبدلها ب "هنا فقط"

الكثيرون منا يعرفون أنه يمكنهم التدوين باستخدام برنامج الوورد Microsoft Word
وكثيرون غيرهم لا يعرفون سهولة التدوين عن طريقه
فالتنسيق باستخدام البرنامج أسهل كثيرا جدا من التنسيق على بلوجر
ويمكنكم إضافة صور واستخدام ألوان أكثر وخيارات أوسع
أترككم مع الشرح الذي ستجدونه "هنا فقط"
أتمنى أن يفيدكم ويرحمكم من محررات تنسيق بلوجر القديمة والجديدة


ملحوظة : الفيديو بدون صوت فلا تتعبوا أنفسكم بمحاولة سماعه :)
ربما أضيف الصوت في المرة القادمة D:

محاذاة إلى الوسط

22 comments:

فشكووول said...

انا كتبت تعليقين اتينين فى المدونه دى مش عارف راحوا فين .. على العموم الحمد لله حاكون اول تعليق برضه

فشكووول said...

نتكلم بقى فى التدوين على الميكروسوفت وورد .. يا صاحبة اليوم الجديد يا دوب انا ما بعرفش غير اكتب الكلمتين زى ما حفضوهم لى ومش حاعرف استعمل الميكروسوفت ورد ولو انى احب التنسيق جدا واحب استخدام الالوان والخطوط الكثيره لكن ما باليد حيله
متهيأ لى دى اول زياره للمدونه دى

Sweet Violet said...

جميل الشرح
انا عموما بستخدم برنامج
Windows Live Writer
مريح و زى الوورد بالظبط
^_^

Wish I were a Butterfly ... said...

ياااااه !! أنا فاتني كتير أوي في المدونة دي :(. جميل البوست اللي جمعتي فيه الإعلانات الدعائية ضد السجاير
بجد مؤثرين اوي اوي. بحب الناس لما تفكر و تستعمل ذكائها في محاولة النصح والاعلانات..و شكرا ليكي أوي على تجميعك لكل الصور دي :)...شكرا تاني على المعلومات في البوست دة

هاجي تاني أسيب تعليق متأخر أويييي...على قصتك القصيرة اللي متأكدة من غير مااقرأها إنها جميلة أوي :)

يــوم جــديد said...

أستاذنا الكبير
أو كما ينادونك دوما "عمنا فشكووول"
حضرتك تنور المدونة بأي ترتيب
ده أول تشريف كريم لمدونتي
حضرتك لو شفت الفيديو هتلاقي إن الموضوع سهل أوي إن شاء الله حضرتك بس امشي معاه وهتدعي لي دعوتين حلوين :)
دول بقى إجباري
ولن تنشر أي تدوينة بعد ذلك إلا من الوورد

نورتني جدا

يــوم جــديد said...

البنفسجاية العسلاية
أنا كان لازم أكتب البوست ده من زمان عشان أشوفك يا قمراية
هشوف البرنامج ده وأنزل له شرح إن شاء الله :)
أتمنى أن أرى صفحة التعليقات دائما بلون البنفسج

يــوم جــديد said...

فراشتي الملونة بكل ألوان الطيف
من زمان مش بشوفك من ساعة ما سبت لك رد عن قلب ينبض لله وقلت لك قولي لي اسم أناديكي بيه :)
ودخلت بعدها كتير على مدونتك لقيتك مش بتنزلي بوستات جديدة

ما تزعليش يا حبيبتي
أرجع لك كل البوستات بأثر رجعي بتعليقاتها كمان لو تحبي :)
بس انتي كنتي غايبة ليه ؟
لعل المانع خير يا فلفلة :)
مستنية تعليقك اللي مش متأخر خالص أبدا
عشان من غير ما أقرأه عارفة إنه جميل :)
عارفة كل الرغي ده ليه
عشان واحشاني أوي

blackshwak said...

أكثر منرائعه

جزاك الله خيرا

ستيته حسب الله الحمش said...

شوفي غباء ستيتة
كنت اكتب البوست على الوورد
واخده كت وبيست يلغي كل التنسيقات
وارجع اتنيل انسق من اول وجديد

هييييييييييييييييييييييه
ثقفتيني اليكترونيا
ربنا يخليكي للغلابة اللي زيي
خلاص متعيطيش بقى

كل كام بوست كده فشخرينا بوست ثقافة بدل ما احنا قاعدين زي خيبتها يوم السبت

تحفة وطبقته وجبت البه مانوسة شافته
ونشكرك من مصاميص قلبينا احنا الإتنين

تحياتي

يــوم جــديد said...

blackshwak

جزانا وإياكم
نورتني

يــوم جــديد said...

يا روح قلبي يا ستيتة
تسلمي يا قمر
وتسلم لي "مصاميص" قلبك الأبيض :)
انتي تأمري يا قمر أمرك ماشي
قولي لي بس اللي انتي عايزاه إن شاء الله وأنا أكتب عنه
نورتيني يا مانوسة لو أعرف البوست دا هيجيبك عندي هنا كنت كتبته من زماااااااان
احنا في اليوم اللي الفنانة بحالها تزورني فيه
يسلم لي قلبيكما يا قمرتين :)
منتظرة مدونتك يا مانوسة بعد الثانوية العامة

prince of silence said...

thanx
that really helps

prince of silence said...
This comment has been removed by the author.
يــوم جــديد said...

you are welcome

يا مراكبي said...

بس هو فعلا حصريا لأني أول مرة أسمع عنه

المهم بقى هو القصة بتاعة البوست اللي قبل اللي فات

هما قصتين في بوست واحد مش قصة واحدة
:-)

القصتين كل واحده فيهم تعتبر محاولة جيدة جدا على فكرة .. العيب الوحيد فيهم من وجهة نظري هو إن الرابط بين القصتين ماكانش قوي بحيث اني أحس ان فيه رابط ما بينهم يوضح معناهم ويقويه .. بس كده

:-)

بالتوفيق

سعدية صديق said...

حلو الموضوع ده وجديد
اول مرة اسمع عنه

شكرا لكى يا قمر
:)

مع خالص مودتى

يــوم جــديد said...

أ. أحمد القاضي
أشكر لك هذا التشريف الرائع وأسأل الله ألا ينقطع
بالنسبة للقصتين فهم قصتين متوازيتين قصة البنت وقصة والدها ظننت إن ده رابط كافي
عموما أنا ذكرت إن دي أولى محاولاتي لكتابة قصتين متوازيتين في قصة واحدة
ووصفك كل واحدة منهما بالمحاولة ال "جيدة جدا" يعطيني دفعة أمل للاستمرار
على وعد بأن تخبرني عندما ترى أنني وجدت الرابط :)

يــوم جــديد said...

سعدية صديق

العفو يا قمر
المهم يكون مفيد
نورتيني
:)

shaimaa samir said...

يا جاااااااااااااااااامد
جامدة يا مامتى
سؤال تقنى

ازاى شخبطتى ع الباسود والمدونة

وش بيغمز

يــوم جــديد said...

وش قمر في كل أحواله
لما بيغمز برقة
ولما يبص بطيبة
ولما يتكسف ويحمر
في كل أحواله أمور

هو دا السؤال بس اللي حيرك :)
عيوني أجاوبه لك بالتفصيل
بس تحملي التفاصيل يا عيوني

الشجرة الأم said...

في الحقيقة أنا أعجبني كثيرا التدوين على البلوجر وعندا نقبت في المدونات وجدت برنامجهم أسهل برنامج .. شكرا على هذه المعومات

يــوم جــديد said...

الشجرة الأم
عفوا
أتمنى لك الاستفادة دوما

لقطات

يقولون : ثلاثة لا تعود : زمن يمضي، وسهم يرمى، وكلمة تقال ولعل تلك الأخيرة من أكثر ما يؤثر فيَّ ليس فقط لأنها لا تعود لكن أيضًا لأنها تبقى ...