وحشتوني

وحشتوني أوي 

أوي

أوي 

بجد وحشتوني 

غبت شهور لكن مفيش حد منكم غاب عن بالي لحظة 

كنت دايما بفكر يا ترى عاملين ايه 

إن شاء الله يكونوا كويسين وبخير

عائلتي الرائعة التي عشت وسطها أجمل الأيام وأروعها 

أفتقدكم جدا 

أفتقد كتاباتكم وتعليقاتكم ومشاعركم وعلمكم وخفة ظلكم وطيبة أرواحكم 

أ.تامر علي 

يا مراكبي

ست الستات ستيتة حسب الله الحمش 

روحي أنا فاتيما روح قلب ماما

فضافيضو

صيدلانية طالعة نازلة 

أندروميدا

قلب ينبض لله

جارتي اللي بقت مش جارتي أوي :) بنات أفكاري أنا

ملقتلهاش عنوان

فتفوتة الفتافيت

 خواطر شابة

وناس كتييييير كتيييير كتييير مش هقدر أكتب أساميهم كلهم بروابط مدوناتهم وإلا هكتب البوست في 3 شهور

كل من زار مدونتي أو زرت مدونته في يوم من الأيام 

كلهم وحشوني جدا 

وحشتني كلماتهم 

وحشني إحساسهم 

وحشتني لمتهم في الخير 

وحشني أعرف أخبارهم وأطمئن عليهم 

وحشتوني يا بلوجرية 

طمنوني عليكم 

بدعي لكم كلكم

حدث في مصر

Nina Explains: The Situation in Egypt

مصر يارب

يارب بلدي

يارب بلدي

يارب .......... بلدي يارب

خمسة عشر يوما !

خمسة عشر يوما مرت من عمر العام الجديد
خمسة عشر يوما فقط .... لكنها تساوي الكثير

بدأت بتفجيرات الكنيسة
الضحايا والخوف والحسرة على من فُقدوا
الفتنة التي اشتعلت
المناقشات العارمة على كافة المستويات والأصعدة
حديث الساعة في كل مكان

ثم أحداث غزة التي شغل الكل عنها بالترقب لما سيأتي به 7 يناير
ثم حادث اطلاق مندوب شرطة النار بصورة عشوائية على ركاب القطار المتجه من أسيوط إلى القاهرة في محطة سمالوط بالمنيا ومقتل موظف مسيحي وإصابة 5 آخرين.

سيد بلال الذي فتح الجروح القديمة
جروح خالد سعيد وغيره
وعلى إثرها ... استقالة وزير داخلية الكويت بسبب تعذيب مواطن كويتي

"ونقل عن وزير الداخلية المستقيل قوله، إنه لا يتشرف بالبقاء على رأس وزارة تعذب المواطنين."

الأمطار الثلجية التي أراها - وكثيرين مثلي - لأول مرة بهذا الشكل
وختمت بنجاح الشعب التونسي في خلع زين العابدين بن علي وما جرى في ليلة 14 يناير التي فرحت بها الشعوب العربية وليس التونسيون وحدهم وأسموها ليلة الحرية !

الثورات المتتالية ضد الفساد الذي أصبح أثقل كثيرا من أن يحتمل
الأمل الذي بعتثه ثورة تونس في النفوس

رحيل - استقالة - خلع - ثورة
 
أصبحت هي الكلمات التي تتردد بدلا من الكلمات القديمة المهترءة

نفي - استنكار - تهديد - غضب
 
ترى ماذا تخبئ لنا 2011 أكثر إن كان هذا هو ما حدث "فقط" خلال 15 يوما من بدايتها

خمسة عشر يوما فقط هي كل عمرك حتى الآن ولكن يظهر أنك قد وُلدت كبيرة

منورة يـــــ 2011 ـــــــــا

نفحــــــــات

من الحاجات اللي كانت واحشاني فعلا  إني أشوف مطر

يااااااااااه دا أنا من سنين ماشفتش مطر

حتى لما كان المطر بييجي كان بيخلص من غير ما أشوفه

النهاردة المطر دا كان غسيـــــــــــــــــــــل لكل حاجة

لعيوننا اللي كانت محتاجة تشوف الكون جميل

الشجر مغسول والأرض بتضحك والسماء مبسوطة

لقلوبنا اللي كانت بعيدة وجالها حاجة تغسل همومها وتدخل عليها البهجة

لأرواحنا المرهقة بهموم الدنيا وأحزانها

الرعد بينادي على الكل يسمعوا

والبرق بينور لهم يشوفوا حاجات جديدة كانوا مش شايفينها أو نسيوا إنها موجودة

المطر من نفحات ربنا

كل فترة يبعت لنا حاجة تخلينا نفتكر إننا ندعي

ندعي باللي في نفسنا

اللي بقالنا كتير شايلينه ومش فاكرين نطلعه في دعـــــــــاء طويل

مش واخدين يمكن أو أحزاننا

المطر بيفكرنا لأنه وقت استجابة دعاء

ولأنه منهمر زي دموع المكروبين

حاجة تخلينا نفكر ونعيد حساباتنا من تاني

نحس إنه ربنا عايزنا

يحب أن يسمع أصواتنا بالدعاء

يحب أن يرى دموعنا منهمرة كالمطر الذي أنعم به علينا

ونتمنى يكون حوالينا لا علينا

وندعي إنها تكون أمطار خير وبركة

ونسعد بهدية رب العباد

وبرحمته الواسعة

يارب انت "بس" اللي لنا

امبارح كان نفسي رمضان ييجي ويقرب بقى

كان واحشني جدا

ونفسي في حاجة من عند ربنا تخلي الحياة أحلى

أسعد

أجمل

أكثر بشرا

والنهاردة ربنا بعت لي مطر ورعد وبرق

النهاردة طلعت في المطر ودعيت ربنا

والمطر بعث في نفسي حاجات كتير

النهاردة افتكرت ناس كتير في دعائي

ناس كانوا جانبي الأيام اللي فاتت

ربنا يسر لي وجودهم وأرسلهم لي

اللهم لك الحمد ولك الشكر كثيرا كما تنعم كثيرا

اللهم أتم علينا نعمتك

دعــــــــــــــــــــــاء

أنا قلبي واجعني أوي 

أسألكم الدعاء