Saturday, January 15, 2011

نفحــــــــات



من الحاجات اللي كانت واحشاني فعلا  إني أشوف مطر
يااااااااااه دا أنا من سنين ماشفتش مطر
حتى لما كان المطر بييجي كان بيخلص من غير ما أشوفه
النهاردة المطر دا كان غسيـــــــــــــــــــــل لكل حاجة
لعيوننا اللي كانت محتاجة تشوف الكون جميل
الشجر مغسول والأرض بتضحك والسماء مبسوطة
لقلوبنا اللي كانت بعيدة وجالها حاجة تغسل همومها وتدخل عليها البهجة
لأرواحنا المرهقة بهموم الدنيا وأحزانها
الرعد بينادي على الكل يسمعوا
والبرق بينور لهم يشوفوا حاجات جديدة كانوا مش شايفينها أو نسيوا إنها موجودة
المطر من نفحات ربنا
كل فترة يبعت لنا حاجة تخلينا نفتكر إننا ندعي
ندعي باللي في نفسنا
اللي بقالنا كتير شايلينه ومش فاكرين نطلعه في دعـــــــــاء طويل
مش واخدين يمكن أو أحزاننا
المطر بيفكرنا لأنه وقت استجابة دعاء
ولأنه منهمر زي دموع المكروبين


حاجة تخلينا نفكر ونعيد حساباتنا من تاني
نحس إنه ربنا عايزنا
يحب أن يسمع أصواتنا بالدعاء
يحب أن يرى دموعنا منهمرة كالمطر الذي أنعم به علينا
ونتمنى يكون حوالينا لا علينا
وندعي إنها تكون أمطار خير وبركة
ونسعد بهدية رب العباد
وبرحمته الواسعة
يارب انت "بس" اللي لنا

امبارح كان نفسي رمضان ييجي ويقرب بقى
كان واحشني جدا
ونفسي في حاجة من عند ربنا تخلي الحياة أحلى
أسعد
أجمل
أكثر بشرا
والنهاردة ربنا بعت لي مطر ورعد وبرق
النهاردة طلعت في المطر ودعيت ربنا
والمطر بعث في نفسي حاجات كتير
النهاردة افتكرت ناس كتير في دعائي
ناس كانوا جانبي الأيام اللي فاتت
ربنا يسر لي وجودهم وأرسلهم لي

اللهم لك الحمد ولك الشكر كثيرا كما تنعم كثيرا
اللهم أتم علينا نعمتك

2 comments:

إيمان said...

اللهم لك الحمد ولك الشكر كثيرا كما تنعم كثيرا
اللهم أتم علينا نعمتك

كان هذا نفس احساسي
سبحان الله شعرت بنفس المشاعر
وكأنها بالفعل نفحات من االله سبحانه وتعالى

doaa said...


إذا كنتِ تبحثين عن ايشارب قطن، إليك بعض النصائح لاختياره والاعتناء به:
يتوفر القطن بأنواع مختلفة، بما في ذلك القطن العضوي الذي يزرع بدون استخدام المبيدات الكيميائية. اختاري إشارباً مصنوعاً من قطن عالي الجودة وفقاً لتفضيلاتك.
تأكدي من أن الإشارب القطني لديه كثافة مناسبة توفر توازنًا بين الخفة والدفء. الإشارب ذو كثافة مناسبة يمكن استخدامه على مدار السنة.
اختاري إشاربًا بألوان وتصميمات تناسب أسلوبك الشخصي وتتناسب مع ملابسك.
تأكدي من أن الإشارب يأتي بحجم مناسب يسمح لك بلفه حول العنق بشكل مريح.

لقطات

يقولون : ثلاثة لا تعود : زمن يمضي، وسهم يرمى، وكلمة تقال ولعل تلك الأخيرة من أكثر ما يؤثر فيَّ ليس فقط لأنها لا تعود لكن أيضًا لأنها تبقى ...