Tuesday, June 17, 2008

أيام .... وآلام



ابتلاء شديد يحاصرني تنهار معه كل قدرتي على المقاومة أو ما تبقى منها

مرض غريب أُعالج منه منذ ما يقرب من عامين وكلما ظننت أني شفيت عاد المرض من جديد أقوى من ذي قبل

كل طبيب شخصه باسم مختلف وعلاج مختلف وبقيت أنا بين مرارة الدواء ومرارة الألم

أخذت أدوية كثيرة وعلاجات شتى حتى خارت قواي

أدوية من كل الأنواع والأشكال والألوان كان منها ما سبب لي ألما أشد من المرض نفسه

أخبر الطبيب أن هذا العلاج يتعبني فيكتشف بعد أيام أن كلامي صحيح وأن جسمي استجاب للدواء ولكن برد فعل عكسي

فالدواء الذي كان من المفترض أن يعالج أصبح مرضا في حد ذاته أشد من المرض الذي يعالجه

أنقطع عن الدواء وأقرر ألا أذهب لأطباء يجربون في علاجاتهم أكثر من ذلك

أبقى أيام يبكيني الألم وساعات يخفف عني الله بدواء من الأدوية

أحس بضآلة حجمي وضعفي وقلة حيلتي

أدعو الله أن يساعدني وأرجوه أن يخفف عني فلست أملك إلا الدعاء ثم الدواء


بعدها أهدأ قليلا وأحاول التفكير في شيء آخر فتقفز إلى ذهني ابتلاءات أخرى لأناس آخرين في محاولة مني ربما لمساعدة نفسي على تقليل حجم الألم مقارنة بمن هو أشد ألمًا

أنام من شدة التعب وأتمنى أن أستيقظ لأجد هذا كله حلمًا قد مضى

31 comments:

ka2en Makboot said...

شفاكى الله وعافاكي يارب .. تفاءلي خير .. ربنا ماخلقش داء الا وخلق له دواء .. خلي ايمانك في ربنا كبير واصبري واحتسبي وربنا هيكرمك ان شاء الله .. انما امره اذا اراد شيئا ان يقول له كن فيكون .. الطب والاطباء مجرد اسباب للشفاء .. لكن الشافي المعافى هو الله

ربنا يشفيكي ويعافيكي يارب ويبعد عن اي الم

يــوم جــديد said...

اللهم آمين
ونعم بالله
جزاك الله خيرا وأكرمك

للتوضيح : البوست ليس للشكوى وإنما هو محاولة إخراج ما بداخلي وتخفيف آلامي

ka2en Makboot said...

عزيزتي يوم جديد

انا متفهمه انه مش شكوى وكلنا مش بنشتكي
الكتابة فى حد ذاته بتريح لانها بتخرج المخزون بالعقل والنفس فهى نوع من التنفيس

واحيان اخرى بنكتب علشان نعبر عن سلبيات فى المجتمع لعل وعسى نقدر نلفت انتباه حد بيعمل التصرفات ديه علشان يبطلها ويبطل يجرح غيره

دمتى بكل صحة وخير وسعادة

يــوم جــديد said...

كلامك صحيح جدا
ودمتي طيبة

maha zein said...

بجد اد ايه ربنا هيجازيكي علي صبرك
ده ابتلاء ليخفف عنك في هذه الدنيا الزائلة
اذا كانت شكة الدبوس فتخفف عن صاحبها سيئة
اومال المرضص
ضوالصبر عليه
وعلي ابتلاء الله
صبرا ال ياسر
وبعدين جدعة اشكري ربنا وفكري ف
الي حاله اسوا منك
علي الاقل انتي لقية دواء يعالج الامك
ربنا يشفيكي

shaimaa samir said...

دوما اتذكر
حديث ما من شوكه يشاك بها المسلم...
الى نهايته
يااااااااااااه بستشعر فعلا اد ايه الثواب اللى ربنا عايز يدهولنا من كل حاجة

اعجبتنى مدونتك بصدق
وليس ردا على كلماتك عندى
فعندك حب وحلم
احبك فى الله
ودعواتك كثيرا
وسادعوا لك كثيرا
ان شاء الله

عمرو الطاروطي said...

العزيزة فلانة
لو مكانش عزائك ان المك دا هيكون سبب في التكفير عن ذنوب عملتيها
ياريت تفكري بطريقة : اكيد بكرة اجمل
فلانة
انتي احسن من غيرك كتير
صدقيني
بس متفقديش الامل
لأن دا الحاجة الوحيدة
اللي تقدر_ وسط معاناتك_ انها تنور ليلك الطويل
تحياتي

يــوم جــديد said...

مها زين
يارب آمين
ظني بالله أنه سيخفف عني بإذنه تعالى
هي فقط لحظات ضعف تأتي بسبب طول الفترة وانهيار الأمل بعد كل مرة أظن أنه ذهب بلا رجعة فيباغتني بعودة أشد
وقاكم الله شر لحظات الضعف

يــوم جــديد said...

الغالية شيماء سمير
شكرا لإطرائك الرقيق وتذكيرك الأرق
أسعدتني كلماتك جدا
دعائي المستمر لك إن شاء الله
أحبك الذي أحببتني فيه

يــوم جــديد said...

الأخ عمرو الطاروطي

أعجبتني جدا طريقة :أكيد بكرة أجمل فلم أفكر فيها هكذا من قبل لكن سأحاول أن أجعلها طريقة تفكيري فهي تعطيني الأمل وتشعرني بالتفاؤل فعلا
خصوصا كلمة "أكيد"
فكرة رائعة
يارب يكون بكرة أجمل
شكرا لتعليقك

Anonymous said...

إذا ازداد الظلام فاعلمى أن الفجر قد اقترب فأحلك لحظات الظلام قبيل طلوع الفجر
فتفائلى بالخير وأحسنى الظن بالله فالله عند حسن ظن عبده به

فثقى بالله وقدرته على شفاءك وتخفيف آلامك فما أقرب العبد منا لربه وقت ضعفه فما أنت فيه اصطفاء من الله لك لا أراه بلاء فالحمد لله الحمد لله فعليك بكثرة الدعاء فهو الشفاء للقلب والداء

ولن أنساكى من دعائى بإذن الله

أحبك فى الله

يــوم جــديد said...

Anonymous
جزاك الله خيرًا
أسأل الله أن يتقبل الدعاء ويشفيني ويخفف عني بعفوه وفضله وكرمه آمين
دائمًا أدعو الله وأسأله تعالى أن يكون ذلك تكفيرا لذنوبي

أحبك الله الذي أحببتني فيه

بس أنا عايزة أعرف انتي مين لأني أكيد أعرفك

حمامة said...

:(
زعلت جداً والله
الف سلامة عليكي يارب
وربنا يشفيكي يارب ويشفى كل مرضى المسلمين يارب
ويقومك بالسلامة

بالله عليكي تخلى بالك من نفسك وتطمنينا عليكي :)

قلب ينبض لله said...

بحييكي علي اسم البوست اللي حسيت منه روح تفاؤل وأمل بتستنيه كل يوم
وان شاء الله ربنا يخفف عنك ويشفيكي
ويجازيكي خير علي صبرك وايمانك
بصراحه انا اتبسطت اوي وي اوي اني جيت المدونة الجميله دي

بنات صاحبة الجلالة said...

شفاكي الله من كل سوء يارب وعايزة اقولك ان لما ربنا بيحب عبد بيبتليه باي مرض او اي ابتلاء والمؤمن الحق هو من يصبر علي هذا الابتلاء فكوني علي يقين بان الله يحبك وجعل مرضا سبب في زيادة ثوابك واجرك عند المولي عز وجل يارب تخفي وميكنش في الام تاني

دي اول زيارة لينا عندك في مدونتك الجميلة
تقبلي مرورنا

تحياتنا الغالية

يــوم جــديد said...

حمامة

بعد الشر عنك من الزعل مش عايزين نزعلك خالص يا حبيبتي
ربنا يستجيب يارب ويتقبل
جزاك الله خيرا ووصيتك معمول بها إن شاء الله

يــوم جــديد said...

قلب ينبض لله

"بصراحه انا اتبسطت اوي وي اوي اني جيت المدونة الجميله دي"

بصراحة بقى أنا اللي اتبسطت أوي أوي أوي أوي إنك جيتي انتي اللي جميلة والمدونة بتكون جميلة بوجودكم

يــوم جــديد said...

بنات صاحبة الجلالة

مروركم غالي وتحياتكم أغلى
هدانا الله وإياكم لما يحبه ويرضاه

سررت بمعرفة مدونتكن

زى الهوا said...

انا حصلى نفس اللى حصلك , بس ممكن تقولى انى كنت باحتضر بالبطيىء , بس الحمد لله ربنا شفانى وبقيت تمام , قوليلى اسم المرض هنا لو ينفع فى وسط التعليقات ؟؟ , لو مرض صدرى انا اعرف دكتورة كويسة اوى ماشاء الله , وانا مقتنعة جدااااااااا إن الشفاء فى الاول وف الاخر من عند الله وإن الطبيب دا مجرد اداة بيبعتهالنا ربنا , اصبرى ودا فى ميزان حسناتك , ماتقلقيش ربك بيهونها
ولو مرض جلدى عندى برده طبيب تمام

لو ينفع اخد ايميلك , هاتيه جايز اعرف اساعدك ؟؟

انا ما اقصدش اى حاجة , غير انى بس حاسة بيكى اوى , لانى قعدت بتاع تلات شهور مريضة وكنت عندى نفس الاعراض بتاعتك , وف النهاية , ربنا يعينك ويصبرك على ابتلائك

shaimaa samir said...

السلام عليكم ورحمة الله وبركاته

يشرفنى دعوتكم لحضور حفل توقيع ديوانى الاول
اطياف الصمت

وذلك فى الثانى من شهر اغسطس
يوم السبت القادم باذن الله
الساعة 7
بمكتبة طلعت حرب


يشرفنى حضوركم جدااااا

بصدق ستشرفينى جدااااااا

Neveen Ali said...

حبيبتى دائما يعطينا الله سبحانه و تعالى الصبر على قدر الابتلاء
يعطينا الامل كلما توسلنا اليه فى الدعاء
أسأل الله العظيم رب العرش العظيم ان يشفيك غاليتى و يشفى كل مريض و ان يمنحك الصبر و الثواب على تحملك و رجاءك فى الله بالشفاء و العافية
خالص دعواتى

يــوم جــديد said...

زي الهوا
حمدا لله على سلامتك وإن شاء الله أجر وعافية
جزاك الله خيرا لاهتمامك وتقبل منك دعائك

يــوم جــديد said...

شوشو الجميلة
ألف ألف ألف مبروك يا شيماء
بصدق كان نفسي جدا أحضر وأبارك لك وجها لوجه ، حضوري يا حبيبتي شرف لي أنا
ربنا يعزك ومن نجاح إلى نجاح يارب
سامحيني إنها جت متأخرة

يــوم جــديد said...

الغالية الكريمة أم منة الله
جزاك الله خير الجزاء لكلماتك الرقيقة
اللهم استجب يارب

sahr said...

اقولك ايه؟؟!!1
الحمد لله
قل لن يصيبنا الا ما كتب الله لنا
خليكي متأكده ان دا ابتلاء من عند ربنا اصبري عليه وربنا هيجزيك عنه كل خير
واعرفي برده ان انتي بصبرك ورضاكي الاحسن عند ربنا
ربنا معاكي يشفيكي ويصبرك

ka2en Makboot said...

عزيزتي اختفيتي فجأة لعل المانع خير

ياريت تطمنينا عليكي

وكل عام وانتِ بخير بمناسبة شهر رمضان

doaa said...

واضح من كلامك وأسلوبك إنك مؤمنة والحمد لله
أسأل الله العظيم رب العرش العظيم أن يشفيك ويعافيك
مش هضيف كلام أجمل من اللى قالوه أصحابك
أرجو إنك تطمنيني عليك وتقوليلي رأيك في مدونتي

يــوم جــديد said...

two in one
سؤالك واهتمامك أسعدني جدا وأدخل السرور على قلبي
وكل رمضان وأنت إلى الله أقرب

يــوم جــديد said...

دعاء
شرفتني زيارتك الأولى وأتمنى أن لا تكون الأخيرة
جزاك الله خيرا للتعليق
وشكرا على الدعوة
ستجدينني في مدونتك قريبا إن شاء الله

سما احمد said...

شركة مكافحة بق الفراش غرب الرياض
شركة مكافحة بق الفراش جنوب الرياض
شركة جلي بلاط بالرياض
شركة جلي بلاط شرق الرياض
شركة جلي بلاط شمال الرياض
شركة جلي بلاط غرب الرياض
شركة جلي بلاط جنوب الرياض
شركة تنظيف مسابح بالرياض
شركة تنظيف مسابح شرق الرياض
شركة تنظيف مسابح شمال الرياض
شركة تنظيف مسابح غرب الرياض

سما احمد said...

شركة تنظيف مسابح جنوب الرياض
شركة صيانة مسابح بالرياض
شركة صيانة مسابح شرق الرياض
شركة صيانة مسابح شمال الرياض
شركة صيانة مسابح غرب الرياض
شركة صيانة مسابح جنوب الرياض
شركة مكافحة النمل الابيض جنوب الرياض
شركة مكافحة النمل الابيض شمال الرياض
شركة مكافحة النمل الابيض وسط الرياض
شركة مكافحة النمل الابيض غرب الرياض
شركة مكافحة النمل الابيض شرق الرياض
شركه مكافحه النمل الابيض بالمدينة المنورة

لقطات

يقولون : ثلاثة لا تعود : زمن يمضي، وسهم يرمى، وكلمة تقال ولعل تلك الأخيرة من أكثر ما يؤثر فيَّ ليس فقط لأنها لا تعود لكن أيضًا لأنها تبقى ...