Tuesday, February 24, 2009

مر عــــــــــــام


مر عـــــــــــام
مر عام وأنا أرى صغيرتي تكبر أمام عيني
مر عام على أولى تدويناتي
مر عام ولم تملي مني
لم تملي من حكاياتي
شاركتني آلامي
وأمالي
وأحزاني وأفراحي

مر عــــام
وبقيت ملاذي
ألجأ إليك في أوقات كثيرة
أبث إليك همي
فلا تغلقين أبوابك في وجهي


مر عــــام
وأصدقائك يخففون عني آلامي
حتى دون أن يعرفوا من أنا
ويعطونني آرائهم ونصائحهم فلا أعود في حيرة
ولا أعود إلى وحدتي
فقط ..... أعود إليك


مر عــــام
وصغيرتي الجميلة كانت سببا في معرفتي بــأناس رائعين

عرفتني على شوشو الجميلة وأطياف صمتها
أحببتها جدا
وأصبحت أشتاق إلبها
وأبحث دائما عن جديدها
وأفتقد رقتها وعذوبة كلماتها

وعرفت من خلالها فاتيما
تجسيد الأمومة الرائعة
التي تحتوي الجميع وليس يوسف فقط

وقدمت لي أقصوصة
ببرائتها وطفولتها الدائمة
والبهجة التي تضفيها على من حولها

أهدتني معرفة ميس سوسة
العقلية المتفتحة
برصانتها ورزانتها ورجحان عقلها
وحشتينا وطال غيابك

وعرفت من صغيرتي معلومات سرية
عن قلبها الرائع المبتسم دائما
ومحاولاتها لرسم البسمة على شفاه من حولها

وطارت هنا فراشة ملونة
رقيقة مبهجة الألوان
تطير دائما فلا نراها إلا قليلا
و حمامة حالمة رقيقة محبة
زعلت جدا عندما كنت مريضة :)

و دعـــــاء الغامضة
ذات الزيارات القليلة
المؤثرة

وصبرني بأكلاتها الشهية
ورغيها اللذيذ
والتي كانت سببا -دون أن تدري- في كتابتي لهذا الموضوع
فمدونتها الشماء الغراء ولدت كذلك في فبراير
شهر العظماء

وكثيرون مروا من هنا
مرة واحدة أو مرتين
لكنهم تركوا بصمات جميلة
أتذكرهم بالخير
حتى لو لم يذكروا هم أنفسهم مرورهم
ولا يسعني ذكر الجميع في تدوينة واحدة



مولودتي الحبيبة
كل وعام وأنت تقربينني من الله
كل عام وأنت في ميزان حسناتي
كل عام وأنت تساعدينني على التغير إلى الأفضل
ولا عدمت الخير منك

14 comments:

اقصوصه said...

كل عام وانتي ومولودتك

بالف الف خير :)

وانش ا الله عقبال خمسين عام

كل سنه وانتي والى الله اقرب

تمنياتي لمدونتك بالنمو والازدهار :)

يــوم جــديد said...

وانت بخير يا حبيبتي
جزاك الله خيرا على الدعاء الجميل
ولك مثله إن شاء الله

بنوتة said...

السلام عليكم
كل عام وانتى بخير
والى الله أقرب
وعقبال مية سنة تدوين
تحياتى ليكى

يــوم جــديد said...

وعليكم السلام
وأنت أقرب يا بنوتة
ما شاء الله الأمنيات بتجي لي بالأضعاف على طول
أقصوصة 50 وبنوتة 100
مين يزود :)
ربنا يكرمك يا حبيبتي
على فكرة أنا معجبة بفكرك حقيقي
ربنا يعزك

Wish I were a Butterfly ... said...

كل سنة و مدونتك الجميلة بخير

اتكسفت أوي لما لقيت اسمي!!! :$ ضغطت على كلمة فراشة وأنا مش متخيلة إنه أنا
ربنا يكرمك يا جميلة :). شكرا أوي بجد

بتمنى تكون المدونة دي سبب في سعادتك دايما مش أي حاجة تانية وحشة
كمان... بتمنى تكون صاحبتك في أيام جاية أحلى من كل اللي فات إن شاء الله
ملحوظة:صورة البوست هي نفسها اللي كانت يوم ميلاد مدونتي:)
تحياتي يا جميلة

د. ياسر عمر عبد الفتاح said...

عقبال 100 سنة تدوين إن شاء الله

ربنا يجعله عام لك لا عليك
ويبقى فى ميزان حسناتك يوم العرض

حسام غانم said...

كل سنة وأنتما طيبتان :)

Sweet Violet said...

كل سنه و انتى و المدونة طيبين

معلش جت متاخر بس انتى عارفه بقى بلوجر و الزحمه اللى فيه

و المواصلات صعبه ده غلب وسط البلد ياشيخه

((:

و يارب كل الاعوام تكونى معانا هنا منورة مدونتك و بلوجر كله

تحياتى

د/عرفه said...

كل سنه وانتى طيبه
وربنا يرزقك من خير هذه المدونه

يــوم جــديد said...

Wish I were a Butterfly
شكلك حلو أوي وانتي مكسوفة
ليه بس مش متخيلة انتي مدونة جميلة ورقيقة وبنوتة رائعة
أتمنى مدونتي تصاحبني في أفراح كثيرة أحزان قليلة
شفتي طلعنا قرايب :)) اختارنا نفس الصورة
يشرفني طبعا إني اخترت صورة عاجباكي واختارتيها قبل كده كمان
نورتي المكان

يــوم جــديد said...

د. ياسر عمر عبد الفتاح
100 سنة كتير جدا
أسأل الله أن يجعل العام القادم عام رحمة وبركة ونصر للمسلمين
وأدعو الله أن أكون منهم
شكرا لزيارتك والدعاء
أسأل الله أن يتقبله ولك مثله إن شاء الله

يــوم جــديد said...

حسام غانم

وحضرتك طيب
شرفت مدونتي المتواضعة بكلماتك

يــوم جــديد said...

Sweet Violet

اه طبعا طبعا عارفة ومقدرة المواصلات والزحمة والطرق والكباري
يعني انتي هتقطعي نفسك
وبعدين يعني احنا هننهب مش كفاية تشريف فخامتكم العظيم هنتأمر كمان
يافندم حضرتك تنوري في أي وقت ونفرش لك النت رمل وورد وفل وياسمين
دا البيت بيتك يا سويتي

بس ايدك بقى على الهدية :))

يــوم جــديد said...

د/عرفه

آمين يارب
أنتظر الزيارة القادمة

لقطات

يقولون : ثلاثة لا تعود : زمن يمضي، وسهم يرمى، وكلمة تقال ولعل تلك الأخيرة من أكثر ما يؤثر فيَّ ليس فقط لأنها لا تعود لكن أيضًا لأنها تبقى ...