Wednesday, December 16, 2009

مدونات بعــــد سنـــــــــوات



في جلستنا الصباحية كعادتنا نجلس تحت الشجرة الكبيرة على مقاعدنا البيضاء
وكعادتهم سكان الشجرة الكبيرة يبدأون في إطلاق عبارات الترحيب والحفاوة

تلك الجلسة الأسبوعية تساعدنا على شحن طاقاتنا
طاقات إيمانية وروحانية واجتماعية وحياتية ومعنوية تتجدد داخلنا بعد كل مرة
جلستنا هي ما يميز أيامنا
فنؤرخ للأحداث حسبها
ما حدث قبلها وما حدث يومها وما حدث بعدها
تأملت المكان حولي
لم نلتق الأسبوع الفائت
فترحيب المكان هذه المرة مختلف
ترحيبه باشتياق

وصلت فاتيما كعادتها قبل الموعد
تبتسم لي وابتسم لرؤيتها
حفاوتها لا تتغير وحضنها لا يسكنه إلا الدفء
يظهر عليها السهر
وأعرف السبب دون أن تذكره
فيوسف الآن في الثانوية العامة
وهي لا تحب أن تتركه لحظة واحدة
أقدر كثيرا تلك الدقائق الغالية التي صارت من حقه وحده برضائها
لكننا استئذنا يوسف لساعتين فقط
في يدها البالونات التي أحبها
وهي لا تنسى أبدا أن تحضرها كل مرة

شيماء تحمل رضيعها الجميل
تعرف جيدا أني لن أتركها تحمله في وجودي
فتستسلم من البداية وتعطيه لي لحظة وصولها
أحبه جدا ويحبني جدا
يعرفني كلما رآني فيبتسم أجمل ابتسامات الكون
أسأل عن طفلها البكر
لأعرف أنه آثر الذهاب مع والده
تعطيني وردتها الحمراء العطرة
فتنتقل ابتسامتي من شفتي إلى قلبي

نرى من بعيد د.ستيتة
تتقافز قلوبنا فرحا في كل مرة تتمكن فيها من الحضور
لا أعرف ما سبب تلك الحالة من السعادة التي تصيب الجميع
والابتسامة التي تعلو الوجوه عندما نعرف بقدومها
لعلها تشع مزيجا من المحبة والبهجة والحكمة
فتتراقص فوق شفاهنا ابتسامات من تلقاء أنفسنا أو من تلقاء نفسها هي :)
كلنا نعرف أنها منشغلة جدا في التحضيرات لزفاف ابنتها
لكنها حرصت على الحضور حتى لوقت قصير
أرى في عينيها مزيج جميل من الأمومة والبراءة

ثم تصل إيمان
وتتعلق العيون بميما وتتردد "ما شاء الله " على الألسنة
فهي تصبح أجمل كلما كبرت
تغيب كثيرا عن لقاءاتنا
لكنها تبقى في القلب دوما

رومانسية الجلسات تصل في همس كعادتها
تبقى بإحساس طفلة مهما مرت السنوات
مصطحبة إحدى اختراعاتها اليابانية التي نمضي في استيعابها وقتا ليس بالقليل
هذه إحدى المرات القليلة التي تكون فيها في مصر وتستطيع الحضور
لكن رومانسيتها حاضرة دائما

تتلون سماءنا بألوان قوس قزح
منظمة اللقاءات ومسئولة الرحلات :)
لا تنسى أبدا أن تذكرنا في كل مرة بموعد التبرع بالدم
أو بإفطار صائم أو بزيارة لمستشفى أو دار للأيتام
ولا تنضب أفكارها في كل ما يتعلق بالمحتاج
حتى إن كان فقط يحتاج للحنان
يمكنها أن تجد لكل يوم عملا ولكل عمل يوما
ويبقى حبها للعطاء
ويبقى عطاؤها بحب

صبرني يارب
في كل مرة أنتظر أن أراها
خدعتنا فقالت أنها غير مطحونة
لكنها - والحق يقال- مطحونة فعلا لا قولا

تتوالى الحاضرات
أعرف البعض ولا أعرف البعض الآخر
يعرفني البعض ولا يعرفني البعض الآخر
فليس الجميع مواظبا على حضور جلستنا الصباحية
في ذلك الوقت المبكر
لكن مرت سنوات لم تزدنا إلا قربا وتمسكا وإخلاصا

وأذكر في كل مرة تلك الرسالة التي جائتني من إحداهن
"سيدوم حب قد حواه القلب عن صدق ودين
ونظل نذكر بعضنا بدعائنا عبر السنين "

أحبكـــن :)

19 comments:

ستيتة said...

انا عيني دمعت وانا بتخيل بس المشهد بس
ورحت حاطة عليه كتير من الحبايب
ناجحين وسعداء وجايين من بعيد وكلنا شوق ليهم
ولقيت ولادك مع ولاد شيما وانا جاية عليكم من بعيد بغيظكم كلكم علشان عرفت اخس وابقى ملكة زماني وقصري كله ماس :)

جميلة قوي قوي ومشهد رائع مهديء للنفس

ان اكون بصحبتكم
احس بنبض قلوبكم
اسمع دعواتكم لي بظهر الغيب
اقصى الأماني فعلا

بحبك

حروف said...

السلام عليكم
ازيك
نورتيني بزيارتك اعتذر عن التاخر في الرد عليكي

بصي دة كود اتش ام ال بتاع الاغنيه

حروف said...

بصي مش بيتبعت لو حابه سبيلي ميل ابعته عليه وابقا امسحه
او اسيبللك اميلي انا دة لو حضرتك ممكن تعملي كونيكت بلميل

فاتيما said...

حلو قوى البوست دا
يا لهوووووى
بقى معقول؟؟
يوسف و الثانوية العامة و انا جاية بدرى برضو
هجيبه معاياااا لازم يوصلنى ومال راجل اونطة ؟؟
و يسلم عليكو واحدة واحدة
و بعدين يجيلنا آخر اليوم ياخدنى
الله
و الناس الحلوة اللى وقلتيهم
زودى عليهم خيخة و دوبا و شاهى و مفروسة و مفقوعة مرماتها و شيماء سمير و بسكوتة و كيكى عوووو و سوما و ميرا و بدرية و كل البنات و الستات بتاعت المدونات
الله عليكى بجد
تستاهلى ألف بوسة و عشرتلاف حضونة

shaimaa samir said...

ههههههههه

حمزة
اكيد هيحبك اكتر منى

:)


بحبك خالص

يــوم جــديد said...

ستوتة
انتي ملكة على عرش القلوب
وقصر قلبك أغلى من الماس يا حبيبتي

ربنا يحقق لنا أفضل مما نتمنى إن شاء الله
في الدنيا والجنة :)
بحبك أوي

يــوم جــديد said...

حرروف
تسلمي يا سكرة
هسيب لك ميلي في مدونتك

يــوم جــديد said...

فطومتي
أعتبر دا وعد ؟؟؟
لي عندك ألف بوسة وعشر آلاف حضونة
انتي اللي قلتي وأنا شبطت مليش دعوة
ما أخدتيش بالك إني جيت قبلك :)))
ما انتي جيتي بدري في المعاد مش قبل المعاد
Yusuf's effect :)
شيماء سمير يا حبيبتي معاها ولدين في البوست
والباقي قلت إن في منهم عارفاهم وما يعرفونيش وفي ناس عارفاني وناس لأ
كلهم موجودين يعني يا فاتيما
بس المعنى في "قلب" الشاعر

يــوم جــديد said...

بنت قلبي
حمزة دا روحي
طبعا هيحبني أكتر عشان هدلعه جدا :))
ما تغيريش انتي بس
ربنا يرزقك ذرية صالحة يا حبيبتي يارب
بحبك جدا
دي اللي هي أكتر من خالص بشوية :)
بتوحشيني مش عارفة ليه كتير كده
خفي علي شوية
وبدعيلك دائما أسأل الله الإجابة

Wish I were a Butterfly ... said...

:)

جميــــــــــــــل البوست دة

إيه الكلام الجميل دة بجد يا بنتي؟؟ :) انت رقيقة أويييي

ربنا يجمعك دايما بكل اللي بتحبيهم يا جميلة

يــوم جــديد said...

فراشة القمرة الحلوة الجميلة العسولة
عايزة أقولك إن كل اللي في البوست ده




محصلش لسه في عالم الواقع
بس بتمنى يحصل

هيحصل الأجمل منه إن شاء الله

وانتي كمان يا فراشتي هتكوني معانا
رغم إني معرفش عنك أييييي حاجة :)
بس حتى لو مش في القاهرة هتيجي
عشان خاطري تيجي

إيمان said...

بجد عنية دمعت وانا بقرا البوست

وحسيت انى فعلا عايشه المشهد

عنية دمعت من الفرحة انى معاكم

وان ليه مكان فى قلوبكم

معرفش انت قدرتى ازاى توصفى الوصف الحساس ده
بجد بحبك فى الله واتمنى تدوم بينا المحبه فى الله

Wish I were a Butterfly ... said...

عارفة كويس إنه محصلش:) عشان كدة البوست جميل اوي اوي
لأنك وصفتيه بدقة وإحساس حلوين أوي أوي يا جميلة

امممم... :) مش عارفة .. أنا كان لي فترة حسيت إن كل اللي عارف مدونتي زمانه عارفني اكتر من نفسي أصلا:$ :$ بس تقريبا من قبل ماتظهري بوقت صغير بعدت أوي.. ومش عارفة أرجع تاني للأسف

طيـــب..مش عارفة:) بس انت عرفتي اسمي، وأيوة أنا في القاهرة ومدينة نصر بالتحديد، اتخرجت من ألسن عين شمس من كام سنة
:)
ربنا يسعدك يا ستي و يتحقق اليوم دة معاكي إن شاء الله بكل تفاصيله الجميلة الرقيقة...ويكون يوسف في حضن فاتيما يارب:)

عاشقه الرومانسيه said...

ربنا يجمعكم دايما على الخير
ومش يكتب بينكم فراق ابداااااا

Anonymous said...

حبيبتى يوم جديد
والله انا جاية اسلم عليكى بعد ماشوفت تعليقك فى بوست ستيتة الجديد
لقيت هذا البوست ومش قادرة اقولك على دموعى ومشاعرى
تجسد امام عينى اللقاء وتخيلت الاحباء وانتى معهم فى اللقاء
وكم اتمنا ان اكون من بين اشخاص اللقاء فالله وحده يعلم مابقى من العمر
وان كنت اشعر انها امنية صعبة التحقيق وليست مستحيلة فاتمنا منكم جميعا ان تتذكرونى حتى ولو بالقليل من الكلمات
ارجع لاصل دخولى هنا واقولك
كل سنة وانتى طيبة ياحبيبتى
وانى احبك فى الله
تحياتى

يــوم جــديد said...

إيمان
أحبك الله الذي أحببتني فيه يا حبيبتي
ربنا يجمعنا دائما على الخير في طاعته في النيا وفي جنته في الآخرة وما ذلك على الله بعزيز

وصف حساس ايه بس دي أقل حاجة عندي (وش بيطلع لسانه)
انتي طبعا في القلوب يا حبيبتي
ومش بس لك مكان
دا مكانك كبير كمان

يــوم جــديد said...

عاشقة الرومانسية

نورتيني وشرفتيني وفرحتيني وأسعدتيني وكل الحاجات في بعض
وجودك بس في حد ذاته كفاية
تكتبي تعليق كمان يا سعدي يا هنايا
يارب ما يكتب بيينا إلا كل خير يارب

يــوم جــديد said...

حبيبة القلب
أم مالك
كل عام وأنت بألف خير وصحة وسعادة ورضا يارب
أحبك الله يا حبيبة قلبي ربنا ما يحرمني قلبك الطيب وكلماتك الطيبة ويرزقنا صحبتك في الدنيا والجنة
طبعا لك مكان في قلوبنا وفي دعائنا والله ربنا يعلم
وبحبك جدا يا أم أحمد :)
ربنا يسعدك

داليا ..قوس قزح said...

الله
اد ايه البوست ده رقيق زيك
و امنية الواحد فعلا يتمناها من قلبه
ان العشرة بينا تدوم على خير لحد ما نسند بعض فى اخر الرحلة

ربنا يحقق لك كل احلامك
و كل يوم جديد لكى يكون احلى من اليوم اللى قبله

لقطات

يقولون : ثلاثة لا تعود : زمن يمضي، وسهم يرمى، وكلمة تقال ولعل تلك الأخيرة من أكثر ما يؤثر فيَّ ليس فقط لأنها لا تعود لكن أيضًا لأنها تبقى ...