Wednesday, December 30, 2009

بوست استثنائي


مش عارفة ليه الموضوع ده شاغلني
لكن عايزة أعرف الناس بتفكر ازاي فيه رجالا ونساءا
وبوست صبرني بتاع الجواز وبوستات د.ستيتة الأخيرة زودت التفكير شويتين تلاتة قل أربعة
الموضوع هو سؤال بسيط عايزة الإجابة عنه

هل تقبلين الزواج ممن تعجبينه ولا يعجبك ؟
أو يحبك ولا تبادلينه نفس المشاعر ؟
ولو كانت الإجابة بنعم فما هي الأسباب؟
لماذا تقبلين ولماذا لا تقبلين ؟
هل أملا في إنك تحبيه بعد ذلك ؟
هل أن حبه يكفيك ؟
هل تقبلين نظرا لظروف الزواج الحالية ؟

والسؤال للرجال
هل تقبل الزواج ممن تعجبك حتى لو لم تشعر منها أنها تبادلك نفس المشاعر أو الإعجاب؟
ولماذا تقبل ذلك ؟

أنا سألت نفس السؤال للطرفين ولم أسأل هل تقبل الزواج ممن تعجبها ولا تعجبك لسببين :
الأول : شعوري أن المرأة سهل تحب من يحبها ويهتم بها لأنها أكثر عاطفة ولكن الرجل ليس من السهل أن يحب من تهتم به وتحرص على شئونه
(ولا أعرف إن كان شعوري هذا صحيحا)
الثاني : (وصوبوني إن كنت مخطئة) أن الرجل ليس هناك ما يدفعه للزواج بمن لا تعجبه ولا يهمه إن كان يعجبها أم لا فذلك يأتي في المقام الثاني عنده


15 comments:

ستيتة said...

مساءك فل يا قمرة
انا رديت على الشق الأول لما انت سألتيه عندي
بس مش فاكرة فين

بس اختصارا
اه اتجوز اللي يحبني وانا عندي له مباديء قبول عادي جدا

اكتر عذاب في العالم ان تكون روحك في راجل وهو يادوب بيحبك الحب اللي يخليه يتقبلك بس
جيتي اوك مجيتيش احسن

انا شخصيا اتجوز اللي بيحبني لأن ده اللي انا شوفته في حياتي صح في كل الحالات اللي اعرفها

تحياتي

يــوم جــديد said...
This comment has been removed by the author.
يــوم جــديد said...

ستوتي حبيبتي
وحشتيني أوي

أنا قصدي يا روحي إنه هو بيحبك الحب اللي يخليه يتقبلك
مش دايب فيكي ولا حاجة
لكن انتي مش حاباه الحب ده
يعني هو عادي جه ماشي مجاش أحسن


قولي بقى

يــوم جــديد said...

كمان ما قلتيش الأسباب اللي تخليكي توافقي ولا تنتظري من تحبينه أو تعجبين به

ستيتة said...

لا كده وجهة النظر اختلفت

هو داخل جواز من بتاع الصالونات اللي يادوب قبول
وهي بالعافية نقدر نقول مش لاقية فيه عيب

هنا ممكن نعمل شيء أمور
نعامل عمو ده شويتين زيادة
يعني ولا خطوبة ولا نازلة السلالم ولا هطل المصريين اللي عاوزين جنازة ويشبعوا فيها زغاريد
لأ
نتقابل عشرة عشرين مرة
اه والله زي ما بقول لك
مرة ورا مرة
يا ندخل في الحب اللي مبني على تفاهم
مع زغزغات متتالية في القلب
مع اقتناع فكري وعقلي
وده جواز حلو جدا

يا طرف تلاقيه فعلا بيحلل التاني بشكل زيادة عن اللزوم ومش مرتاح وهنا أبوه عند أخوه ومفيش اضرار خالص خالص وفي نفس الوقت نكون مشينا بسستم عقلي يقبله أهل العقل

بصي يا حبي
مش كل اتنين عنيهم جت في بعض وكيميتهم توافقت ولقوا نصهم التاني اللي عرفوه يوم ما ربنا خد أبناء آدم من ظهره واشهدهم خلق انفسهم
مش كل اتنين من دول بيتلاقوا دايما
ومش كل ما بيتلاقوا الظروف بتسهل لهم الحلال

علشان كده طالما بندعي ربنا دايما بالزوج الصالح لازم نفكر ونفهم ونسمع ونتكلم وبعدين نحكم

ها استفيد ايه لو استنيت الحب اللي بيجي في العمر مرة واحدة ولقيت ظروفه واحكام القدر متخليناش نتجوز
ها اتجرح جرح عمر بجد

والله اعلم بقى يعني
انا مش خبير الكفت
ده خيبة الناس سبت وحد وستيتة خيبة الأمل راكبة جيب شيروكي :)

يــوم جــديد said...

والله انتي سكر :)
جيب شيروكي!
دي حاجة عظيمة خالص

كلامك صح جدا لكن أظن المشكلة في التطبيق
بلاقي البنانيت الحلوين عشان هو مش عاجبها بتطلع فيه أي حاجة والسلام
تقولك دا رغاي دا أهله مش بحبهم
دا مش عارفة ايه
حاجات كده بحسها لو هي شالت من دماغها إنه مش عاجبها مش هتشوفها

وبعدين ما تقوليش على نفسك مش خبير
دا انت خبير الأعماق الأنثوية
انت بس بتخافي من الحسد :)

ابقي تعالي حدانا كتير

الشعب لابد له من حكومه تشكمه said...

هل تقبلين الزواج ممن تعجبينه ولا يعجبك ؟
أو يحبك ولا تبادلينه نفس المشاعر ؟

طب ازاااااااااى,طب قولى حد ادنى من القبول حتى,لكن مش عاجبنى!!!!
واتجوزه!!!!!!

يعنى اشوفه مش مالى عينى واتجوزه ازاااااااى؟
دى لايييييومكن تحصل,
ازاى مش عاجبنى واتجوزه,اهم حاجه النفس برضه ههههههههه..

السؤال التانى بيحبنى وانا لا,,هدى نفسى فرصه واشوف ههيكون على الاقل فى قبول اى ارتياح هواااى نوت ليه لا...

يــوم جــديد said...

الست شيما اللي شاكمة الشعب بحالها عندنا
يا مرحبا يا مرحبا
والله يا أوختشي في ناس تقولك اه
هيجننوني
ايه يعني مش المهم مين عاجبني المهم أنا عاجبة مين
طيب سيادتك مش هتسعديه
وايه يعني هو هيسعدني
طيب شوية والموضوع هيخلص وهتروح شدة الغربال الجديد

بس تقولي لمين
ناس عجيبة
نورتيني لأول مرة
وهفرقع لك أنبوبتين قدام المدونة

P A S H A said...

كل سنة وأنت طيبة.

الفقيرة إلى الله أم البنات said...

ربنا يرزقك باللى يحافظ عليك ويتقى الله فيك ويراعك فى كل لحظة ولا يفترى عليك ابدا

هناء محمود said...

أنا رأيى زى ستوتة وشيما بالظبط الإتنين مع بعض

وعلى فكرة مش كل جواز الصالونات فاشل ولا كل الجوازات إللى عن حب ناجحة .... إللى اتنين حسب القبول والتوافق بين الإتنين شوية حب يحلو الجوازة ويخلوهم يستحملوا إللى مستنيهم على شوييييييييات من العقل إللى يظبط العيشة بقى وإللى عيشينها

يــوم جــديد said...

أحلى دعوة من أجمل أم للبنات
واحشاني جدا مختفية من فترة
أفهم من كده إن إجابتك على سؤالي تتلخص في إنه المهم يكون بيتقي الله والباقي يتحل ؟
:) نورتيني يا أم البنات


أم بوبة
منورة
عندك حق
ساعات كتير العقل بيبقى أهم وهو اللي بيكملوا به الحياة

shaimaa samir said...

جميل

:)

مش عندى اجابات حاسمة
ممكن اجوبك بعدسنة

مش بهزر
سنةواحدة
وهقولك الكلام التمام


وحشتينى

اقصوصه said...

عن نفسي

اؤمن بان الافصل لي

ان اتزوج من يحبني

حتى وان لم احبه

لانه مع الوقت

سيتمكن بالتاكيد

من جعلي احبه

واعلم انها لن تكون مهمه سهله

الا ان الحمل سيكون على عاتقه

اما ان حدث العكس

فالثقل الاكبر سيكون

على عاتقي انا بالتاكيد :)

يــوم جــديد said...

ماشي يا شوشو
مستنياكي :)
بس هو مين اللي بيحب ومين بيتحب ؟
-----------------------------------

أقصوصة

بتستسهلي يعني :)
خليه يشيل
هههههههههههههه
ربنا يسعد بمن يحبك وتحبينه

لقطات

يقولون : ثلاثة لا تعود : زمن يمضي، وسهم يرمى، وكلمة تقال ولعل تلك الأخيرة من أكثر ما يؤثر فيَّ ليس فقط لأنها لا تعود لكن أيضًا لأنها تبقى ...