Wednesday, February 24, 2010

يوم جديد


بعد غياب طويل
عدت إليك
غبت عنك شهرا
ثم عدت لأتوج عامك الثاني بأولى كلماتك
فقررت أن أعيد نشر أول أيامك
وأولى تدويناتي
أنشره كما هو

(يوم جديد )




تلك النسمات الصباحية الناعمة داعبت قطرات الندى في رقة فتفتحت أجفان الزهور واستيقظت تستقبل اليوم الجديد

وأشرقت شمس النهار بدفئها الذي ملأ جو السماء

كتبت على صفحات الدنا إهداءا

إلى الخليقة أُهديَ يوم جديد

فليكن يوما جميلا

يوم نعيشه كما هو لا نحزن فيه على ما كان بالأمس ولا نقلق على ما سيكون في الغد

ولندع التفكير للغد ولنترك الحزن في حقيبة الأمس

ولنفتح حقيبة اليوم نضع فيها كل جميل ونرى فيها جمال الكون

اليوم صفحة بيضاء لم ثلوث بعد لا بأحزان ولا بأوزار

لم تسوده أحبار الكآبة والمعاصي

فلنبقه كذلك حتى يمضي بما فيه

ويأتينا يوم آخر ........... جديد

------------------------------------------------

أول تعليق كان من صاحبة فكرة إنشاء المدونة :

سعيدة انى اكون اول من افتتح باب التعليقات و اخيرا اهلا بك فى دنيا المدونين و اسال الله ان تكون هذة بداية جديدة و جميلة لك خالية من اى هموم او احزان و ان تكون حياتك زهرية اللون كلون مدونتك الجميل و الرقيقه
التعليق الثاني من حبيبتي في الله :


مبارك مدونتك صفيتي من الدنيا يسَّر الله لك وجعل أيامك طيبة ككلماتك بل أجمل. عسى تلك الكلمات تكون دافعًا لهممنا نحو تغيير واقعنا وحاضرنا المثقل بالهموم. سلمت يداك أخيتي وبارك الله لك وفيك وعليك...
مع انتهاء عامك الثاني وبداية عامي التدويني الثالث

أطلب من كل من يعرف مدونتي أن أرى "يوم جديد" في عيونكم
1- كيف ترونها ؟

2- ماذا أضافت ؟ مع ذكر الإضافة - إن وجدت :) -
3- ما هي الجوانب الإيجابية في المدونة - اذكرها أولا منعا للإحباط - وما هي الجوانب السلبية ؟
4- ما المجالات التي ترى أن المدونة قد تميزت فيها ؟
5- ماهي أفضل الموضوعات من وجهة نظرك ؟
6- بماذا تنصحني يا سيادة القاريء :) ؟


---------------------------------------------------------------------

روابط ذات صلة :
مـر عــــــــام




18 comments:

Anonymous said...

كل سنه ومدونتك طيبه

ويا رب ماتغبيش في السنه التانيه كتير

تحياتي

صيدلانيه طالعه نازله said...

دى تانى مره اجى هنا و مقدرش اكون رأى
بس اناا حاسه ان اسلوبك راقى و جميل

استمرى كما انتى و ان تطورتى اكيد حيبقى احسن

كل سنه و انتى طيبه و عقبال مليون سنه

إيمان said...

كل سنة وانت طيبه ومدونتك بخير

هتكلم عن الجوانب الايجابية الاول
1_مدونه راقيه
2_اسلوب الكتابه مميز وفيه موهبه
3_بتتقى الله فى كل اللى بتكتبيه ولا نزكى على الله أحدا
4_بستمتع بالقراءه ليكى جداااا
السلبيات
1_بتغيبى كتييييير
2_بتتأخرى ساعات فى الرد على التعليقات
بس كده خلاص
وبجد أنت كانسانه من أحسن الناس اللى اتعرفت عليهم ومدونتك من ارقى المدونات اللى مريت بيها
بحبك فى الله

قلب ينبض لله said...

يوم جديد

كل سنة ومدونتك احلي يوم جديد في عالم التدوين

الأسئلة ها اجاوب عليها قريب

استنيني :)

يــوم جــديد said...

فتاة من الصعيد

وانت بكل خير ودائما منورة ومبدعة ويارب ما أغيبش السنة دي خالص :) بس أهم حاجة أكون موجودة في خير

تسلمي يا جميلة

هستنى إجابات الأسئلة
لما تلاقيها تعالي قوليها :)

يــوم جــديد said...

د.علا
ازاي بقى ما تقدريش تكوني رأي انتي اعملي جولة في البوستات القديمة هتكوني رأي أااااااااااد كده
دا انتي اللي راقية وجميلة عشان كده شايفاني كده

كل سنة وانتي جميلة يا جميلة

يــوم جــديد said...

موني
أم حمزة حبيبي

وحشتيني جدا جدا جدا
بجد مفتقداك بشدة

أيوة صحيح أنا بغيب كتير انتي عرفتي منين :) مش كنت غايبة انتي كمان
وبما إنك كنتي غايبة ولازم تبقى الجيران لبعضيها يبقى مشاركة وجدانية لازم أغيب زيك ولا انتي رأيك ايه ؟ :)

تسلمي لي يا قمرايتي ويسلم لي كلامك ويجعلني له أهلا يارب
أنا هحاول أقلل الغياب إن شاء الله
بس كلام في سرك البوست اللي فات جالي تعليق ضايقني جدا وخلاني ماليش نفس أكتب وكل ما أكتب حاجة أحس إنها كئيبة ومانشرهاش
خلي حمزة يدعيلي بس وأنا هعمل نيو لوك للمدونة عشان نغير الموود

نسيتي حاجة في السلبيات على فكرة:
( وبتكروتي لما تتكسفي )
< وش مكسوف خالص >

أحبك الله الذي أحببتني فيه وجمعني بك على ما يرضيه في الدنيا والآخرة

يــوم جــديد said...

قلب ينبض لله
وانتي طيبة يا سكرة
مستنياكي يا رودي
ما تغيبيش علي
اه مش كل ما أعمل حاجة تعملي زيي
:)

يــوم جــديد said...

إيمان

أنا رديت على طول أهو شفتي الشطارة :)

بس يا حبيبي تعليقك على البوست اللي فات والله ما وصلني ولا شفته خالص
أنا بتوصلني التعليقات على الميل
لكن تعليقك الجميل واضح إنه اتكعبل في إشارة صلاح سالم قصدي بلوج سبوت
ودي بتفتح مرتين في السنة :)

ستيتة said...

حبيبتي جنة
اتأخرتي قوي قوي
كنتي فين
اعترفي
انتي جيتي لي وانا مزاجي مش تمام خالص
بس رؤية بوست جديد ليكي كافي علشان انبسط شوية
كل سنة وانتي ومدونتك طيبة
كل كلمة بتكتبيها طيبة
كل كلمة بتكون في الله ولله
حتى البوست اللي تكتبيه تفرحي بيه احبابك اللي زيي بيكون برضه في الله
يبقى مفيش شيء مزعلني من المدونة غير الغطس اللي بتروحي تاخديه وتقلقيني عليكي

ستيتة said...
This comment has been removed by a blog administrator.
يقول أنى امرأة said...

كل سنه و انت و يومك الجديد طيبين و مشرقين
يا رب تكون المدونه عملت تغير فى شكل يومك
و با رب متكونيش ندمتى على انت سمعتى الكلام و عملتيها
عموما انا بشكر المدونه لانها ظهرت الكاتبه الى جواكى الى فاجئتنى انا شخصيا
ربنا يجعل ايامك كل جميله و سعيدة
يا صاحبه الامل

قلب ينبض لله said...

كيف ترونها ؟

بسيطة ذات مضمون ورسالة
بحس انها مننا وعلينا كدا :)


ماذا أضافت ؟ مع ذكر الإضافة - إن وجدت :)

بالنسبالي انا الأمل والتفاؤل
:)




ما هي الجوانب الإيجابية في المدونة - اذكرها أولا منعا للإحباط

ما انا قولت المدونة لها رسالة واعتقد انها بتوصل كويس اوي للآخرين
معظم موضوعاتك بتربطيها بالدين والأخلاق والقيم الجميلة

كمان حبك وارتباطك بأصدقائك المدونين واطرائك عليهم وكتابة موضوعات عنهم وعن مناسباتهم السعيدة :))

قصصك فيها رومانسية ومعاني حلوة احنا مفتقدينها دلوئتي


وما هي الجوانب السلبية ؟

لما ابئي اشوف فيها حاجة سلبية صدئيني ها اقولهالك فورا :)

ما المجالات التي ترى أن المدونة قد تميزت فيها ؟

ربطك في مواضيعك بالأسلام وتعاليمه وقيمه
كمان في جانب تثقيفي كدا بتقوليه في بعض مواضيعك

ماهي أفضل الموضوعات من وجهة نظرك ؟

لأنك أنت أنت
تأملات في الحرب والحب
مواضيعك كلها جميلة بصراحة

بماذا تنصحني يا سيادة القاريء :)

خليكي كدا زي ما انتي صاحبة اجمل يوم جديد :)

يــوم جــديد said...

حبيبة قلبي ستوتة
سلامتك من أي مزاج مش تمام
إن شاء الله دلوقتي يكون بقى تمام التمام
معلش يا حبيبيتي
أنا آسفة جدا أوي خالص والله
بلوجر ما كان راضي يدخلني صفحة التعليقات بتاتا
وانتي طيبة يا حبيبة قلبي
الغطس المرة دي كان إجباري والله هبقى أقولك ليه
بالنسبة للميل يا حبي ببعته يرجع لي تاني
مش عارفة ليه

ما جاوبتيش ع الأسئلة على فكرة
لي عندك نموذج إجابة :)

يــوم جــديد said...

يقول أني امرأة
ازيك يا حبي

وانتي طيبة وبخير وسعادة وعافية يا أم ماريا
كلمتك كتير جدا عشان أبارك لك موبايلك مقفول أو محدش بيرد
بارك الله لك في الموهوب وشكرت والواهب وبغلت أشدها ورزقت برها
متأخرة بس أنا مكنتش عارفة أحصل عليك
ربنا يجعل كل كلمة طيبة بكتبها في ميزان حسناتك

ويارب أشوفك دائما
بفرح جدا بوجودك بجد
حتى لو ما جاوبتيش على الأسئلة
زي بعضه
كوسة بقى :)

يــوم جــديد said...

يقول أني امرأة
ازيك يا حبي

وانتي طيبة وبخير وسعادة وعافية يا أم ماريا
كلمتك كتير جدا عشان أبارك لك موبايلك مقفول أو محدش بيرد
بارك الله لك في الموهوب وشكرت والواهب وبغلت أشدها ورزقت برها
متأخرة بس أنا مكنتش عارفة أحصل عليك
ربنا يجعل كل كلمة طيبة بكتبها في ميزان حسناتك

ويارب أشوفك دائما
بفرح جدا بوجودك بجد
حتى لو ما جاوبتيش على الأسئلة
زي بعضه
كوسة بقى :)

يــوم جــديد said...

أجمل قلب ينبض لله

ايه الكلام الكبير دا
لا لا لا مش قده أنا خالص
انتي بس جميلة زيادة عن اللزوم عشان كده شايفة كل حاجة جميلة
ومفيش ولا سلبياية واحدة
دا كلا برضه
بس عموما هتاخدي
full mark
و star
كمان
عشان جاوبتي على كل الأسئلة :)

ربنا يكرمك يا حبيبتي
ويكتب لك السعادة في الدنيا والآخرة

ستيتة said...

مساء العسل والسكر يا جنتي
من فضلك اكتبي الميل بتاعك في كومنت عندي وانا عاملة اشراف
علشان انا اللي ابعت لك يمكن النحس بتاع الميلات يتفك
طمنيني عليكي انا كده قلقانة
ربنا يكرمك في كل امرك يارب
بحبك

لقطات

يقولون : ثلاثة لا تعود : زمن يمضي، وسهم يرمى، وكلمة تقال ولعل تلك الأخيرة من أكثر ما يؤثر فيَّ ليس فقط لأنها لا تعود لكن أيضًا لأنها تبقى ...