Tuesday, March 16, 2010

قل وداعا

أغمض عينيك الآن


ضع أمام عينيك صورة لموقف مؤلم تريد أن تنساه
أو ذكرى سيئة لا تريد أن تتذكرها

الصورة الآن أمام عينيك

اجعلها بالأبيض والأسود

ابدأ في تقليل سطوع الصورة (Brightness)
حتى تصبح شبه معتمة

الآن ضع حول الصورة إطارا باللون الأبيض

هل وضعت الإطار؟؟

اربط خيطا من المطاط (أستك ) بين الصورة وبين عقلك وشده على آخره

الآن يأتي دوري
سأدق بقدمي على الأرض لأصدر صوتا
ذلك الصوت يمثل صوت المقص
كلما سمعته قص الخيط الذي يربط الصورة بك
فترتد الصورة بعيدا جدا نتيجة شد المطاط الذي كان يمسكها

مرة أخرى أربطها بخيط المطاط
شد الخيط
مع الصوت قص الخيط
الصورة تبتعد أكثر في كل مرة

كررها أكثر
أبعدها أكثر

هل أعجبتك اللعبة ؟

الأهم ...
هل تذكر تلك الصورة ؟؟
لم تعد أمام عينيك الآن
لن تتذكرها
لن تؤرقك
فقد ابتعدت عن ذاكرتك
حان الوقت لتقول لها وداعا

-------------------------------------------------------------------------------------------------
* المصدر : د. علاء محمود مرسي

10 comments:

NeVeN said...

ياسلام لو الامر بالسهولة دى
تبقا مفيش اة ذكرى وحشة هنقض ل فى بالنا


ميرسى على اللعبة الرائعة دى

اول زيارة واكيد مش هتبقا الاخيرة



مساءك شيكولا

إيمان said...

بجد فكرة حلوه

اهم حاجه ان الواحد يخلى الفكرة السلبيه ملهاش لون يمكن ميشوفهاش

يــوم جــديد said...

NeVeN

هو سهل إن شاء الله
أنا جربت
بس بتختلف باختلاف إحساسنا بالموقف وايه حوالينا ممكن يفكرنا لو نسينا

منوراني في أول زيارة
وأتمنى ما يبقاش في مرات أخيرة إلا مع الذكريات السيئة

يــوم جــديد said...

إيمي

حلوة بجد ؟
أي خدمة
بقى عندنا شهيق وزفير ومقصات :)

المهم يبقى عندنا استعداد نسيبها تمشي
مش لا أحبك ولا أقدر على بعدك

كنت هكلمك تاني النهاردة
ما قلتليش لما سمعتي صوتي اداكي إيحاء زي الكتابة ولا مختلف

لو الصورة باظت بعد المكالمة قصيها :)
بوسة كبيرة لموزة

خواطر شابة said...

ماأسهل الكلام وماأصعب التطبيق
صراحة الامر يستحق المحاولة سأجرب الامر لكن اين سأجدك كطرف في التجربة لتدقي بقدمك الارض لتصدر صوتا هههه
تمنياتي لك بيوم سعيد وبحياة خالية من الهموم ان شاء الله

Timo.. said...

صباحك معطر بالوروود..
حلوة قووووي اللعبة دي..
والاحلى طريقة الوصف,,
في الاول كنت ها اقترح عليك انه الاطار يكون اسود على اعتبار انها حاجة ماتت..
بس لقيت انه فعلا من الاحسن انه الاطار يكون ابيض..عشان يبين لنا تضاد الالوان بما اننا قللنا سطوح الصورة وبقت شبه معتمة.
بس انا عن نفسي..ها اربط الخيط المطاط في كل الصور والذكريات كأني بعمل كل الخطوات عشان انساها..وبعدين ها أأجل موضوع المقص ده الى زمن غير محدد وكأني باقنع نفسي اني عملت كل حاجة وتعبت من المجهود وبكرة بقى ها اكمل :D

حلو جدا البوست بجد :)

Timo.. said...

عجبني كمان بوست (يوم جديد)
او اعادة نشر اول بوست واعادة احساسنا بيه في اول مرة..
اقولك سر..؟
انا بحب لما ادخل مدونة اروح على اول بوست فيها واقراه عشان اشوف الناس في البداية كانت حاسة بايه ومع اول رد او تعليق عملت ايه لحد ما وصلت لليوم اللي انا بأقرأ فيه اخر بوست.

ممكن بعد سنين اقتبس منك الفكرة واعمل كده :)

Timo.. said...

ويمكن كمان بوست:
"مدونات بعد سنـــــــــوات"
بيأكد نفس الفكرة وخدي بالك من مط كلمة سنوات اللي انت كتبتيها في البوست بنفس الطريقة لانها فعلا سنـــــــوات..

معقد انا وباحب التفاصيل اوي (';')

يــوم جــديد said...

طيب أنا أرد على أي تعليق دلوقتي ؟؟

أنا طبقتها على نفسي
بس أنا قصيتها وأكتر من مرة كمان
لأني زي ما كنت بقول لإيمان
"المهم يبقى عندنا استعداد نسيبها تمشي
مش لا أحبك ولا أقدر على بعدك"
إن شاء الله تكمل بكرة بجد
---------------------
أنا كمان بحب أعمل كده
أروح لأول بوست في المدونة عشان أشوف صاحب المدونة كان عامل مدونته أصلا ليه
وبعدين أول بوست دا بيدي انطباع كبير عن الشخصية
--------------------------
نفس الفكرة ؟
فكرة ايه بقى اللي بيأكدها ؟؟
فكرة أول بوست يعني ولا ايه؟

في موضوع التفاصيل دا حدث ولا حرج
باهتم بأدق أدق أدق التفاصيل
الناس اللي خلقها ضيق بتزهق مني جدا
أنا عارفة كويس أوي يعني ايه حد بيهتم بالتفاصيل ومش بعتبر دا تعقيد إطلاقا

يــوم جــديد said...

نجيبة

ايه يا نوجا ما أنا قاعدة جانبك أهو يا حبيبتي
مش سامعة صوت رجلي :))

جربي وقولي لي ايه الأخبار
ربنا يسمع منك ويرزقنا حياة سعدية خالية من الهموم

لقطات

يقولون : ثلاثة لا تعود : زمن يمضي، وسهم يرمى، وكلمة تقال ولعل تلك الأخيرة من أكثر ما يؤثر فيَّ ليس فقط لأنها لا تعود لكن أيضًا لأنها تبقى ...